Amser i roi a rhannu yw’r Nadolig yn draddodiadol. Nid yw’n syndod, felly, bod y bwrdd cawsiau Nadolig yn gymaint rhan o’n traddodiad o ran bwyd erbyn hyn â’r gacen Nadolig neu’r twrci!
Ond beth sy’n gwneud y bwrdd cawsiau perffaith? Cydbwysedd yw’r allwedd: cydbwysedd o ran blas, ansawdd, maint a siâp. Yma yng Nghymru, mae’r adfywiad a welwyd ym maes cynhyrchu caws dros y 25 mlynedd diwethaf yn golygu bod gennym lond gwlad o ddewis. Eleni, felly, anghofiwch am y stilton a’r brie a’r cosyn arferol o gaws cheddar, a rhowch wledd o gawsiau i’ch teulu a’ch ffrindiau a fydd yn gwneud i chi deimlo’n falch o’ch gwreiddiau Cymreig!
Mae Calon Wen wedi creu cyfuniad diddorol a fydd yn siŵr o dynnu dŵr o’ch dannedd.
Caws Glas:
Preseli Blue. Caws glas cyfandirol meddal gan Calon Wen, a ysbrydolwyd gan fynyddoedd y Preseli. Dan y grofen o liw llwydwyn arbennig ceir caws llyfn, hufennog sydd â blas ysgafn.
Caws Meddal:
Mae caws gwyn meddal Pont Gâr yn gaws mwyn, hufennog a llyfn sydd ag arlliw o flas madarch. Mae blas y caws hwn yn dod yn fwy amlwg wrth iddo aeddfedu ac mae’n ddewis da yn lle brie neu camembert.
Caws wedi’i gochi:
Caws Pantmawr Smoked (o laeth gafr). Dyma gaws llyfn sydd â blas ysgafn ac a gochwyd gan ddefnyddio coed derw.
Caws caled:
Crumbly Caerffili. Fel y mae’r enw yn awgrymu, nodwedd arbennig y caws arobryn hwn gan Calon Wen yw ei ansawdd brau. Mae awgrym o flas lemon ar y caws caled hwn.
Cawsiau cheddar traddodiadol:
Gallwch ddewis rhwng caws cheddar organig Hafod, sy’n gaws moethus â blas cnau, neu gaws cheddar mwyn a hufennog Calon Wen.
Ar gael o calonwen-cymru.com/direct/
Rhowch gynnig ar rywbeth newydd y Nadolig hwn.
Wyddech chi fod bwyta caws gyda chacen Nadolig yn hen draddodiad yng ngogledd Lloegr? Beth am roi cynnig ar wneud hynny eleni gyda chaws Crumbly Caerffili Calon Wen?
Awgrymiadau ar gyfer gweini:
Tynnwch y cawsiau o’r oergell a rhowch gyfle iddynt anadlu. Trefnwch y cawsiau o’r mwynaf i’r cryfaf. Gweinwch nhw gyda siytni, cracers, ffrwythau a diferyn o’ch hoff ddiod i gynnal hwyl yr ŵyl.
